السلام عليكم ورحمة الله وبركاته
مصطلحات وتصرفات قابلناها بالسكوت وتداولناها بجهل اكيد منا
حبيت اذكر امور بسيطه وهي سبب نقاشي
منها
من كثر ماني متعلق بخلي دعيت رب الكون يحشرني معاه والمشكله الملعون ما يصلي وش حيلتي لامن تعذبت وياه >> والله مادري اضحك ولا اسخطاحبه محبه من زمان الصبا واقدم ..احبه محبه من قبل يخلق ابونا ادام >> من قبل ادام موجود انت والحبيب اصلا
سماء ثامنه >> الله بالقران ذكرها سبع وين تبي توصل مره الخيال شاطح عندك
*****
كثير غيرها لايقال ولايكتب اكتفيت بهذه لكي لا اخذ اثم القارئ
تخبط +استهتار + عدم الخوف من الله
ياافاضل الى متى هذه العشوائيه وعدم المبالاه يمكن العبارات تكون لها علاقه بسيطه باالي راح اتكلم عنه ..لكن اللبيب بالاشاره يفهم
امور كثيره نراها ونقرئها ونسمعها ونقابلها بالسكوت او الانخرس
بمعنى اشمل
لما تكون المسأله تتعلق بشخصك او احد يهمك اخذت الحق باليد واللسان
لكن لما تكون المساله بخالقك او دينك انخرست وقلت مع نفسه ,حريه شخصيه ,مااحب اتدخل ,الله يهديه ..كلمات باليه اتهرب فيها
وين دورك هل حب الله والدين والرسول اللهم صلي عليه وسلم
مو من اهتمامتك لما تشوف مثل هالكلام ماتشعر بنفضه بجسمك
وتحاول تغير او تنصح ..!
ليه انتشرت مثل هالامور بكثره ليه التخبط دا اصبح مقبول عندنا ..!
ليه اضحك او اقول استغفر الله وبس
لما تكون في فكاهه او نكته عن الدين ياكلك لسانك الا وتقولها تقدمها بستغفر الله وتختمها بستغفر الله اهم شي تقولها
لما اتقدمتها واختمتها بستغفر الله ماحسيت انك تافه ؟
ياجماعه شي يشيب له الراس الدين صار عرضه للي يتمسخر ويستهبل
واحنا واقفين نتفرج اكيد مو الكل بس الغالب ولو مو الغالب ماكان انتشرت ؟
لو كل مين قال احمر الا الدين ..واداك ظهره ماصار كذا
لما يكون عندك احد حاط توبيك او نك مخالف للدين او يمس الدين بشي ليه ماتغيره اما بلسانك او بيدك ليه تقوله استغفر الله ايش ذا ..وتكمل المحادثه ايوه اخبارك ..
ماغرت على دينك ما اخذتك الحميه ولا اخباره صارت تهمك اكثر من الدين ..!
انا ماكتب الا لاني استئت من الوضع والغرض اكيد التذكير وعدم الاستهتار
وصدقوني ماانتشرت هالامور الا من ضعفاء النفوس
ولعب دور كبيرفي انتشارها غياب الدين والتقليد واتباع الهوى
للنقاش
*ماهي الطرق الاصح اتباعها مع من ياخذ الدين عرضه للاستهزاء بدون قصد او تعمد ؟
*اكثر من يتبادل هالمصطلحات هم مراهقين ويصعب النقاش معاهم كيف توجهه بطريقه توصل لقلبه وتأثر عليه اسرع ؟
* لما واجهت مثل المصطلحات ايش صار فيك غيرت ولا اكتفيت بستغفر الله ؟ هنا تلتزم الصراحه او انزل للي بعده
*الوعي يلعب دور كبير في تشكيل شخصية الفرد هل تعتقد ينقصهم الوعي الكامل في امور الدين ام هو امر فطري يعيه اي شخص سواء مراهق ام ناضج ؟
الى هنا اترك الموضوع بيدكم ولوجهات نظركم
السبت يونيو 25, 2011 7:32 am